In memoriam

O pasado 25 de xullo morreu Antonio Corrales, figura clave no panorama arquitectónico español do século XX. Obras como as escolas de Herrera de Pisuerga, a residencia de Miraflores de la Sierra, as casas de Almendrales, a Casa Cela en Mallorca, a unidade vecinal número3 do barrio das Flores da Coruña, e as premiadas Pavillón de España en Bruselas do ano 1958 e a Escola de Artes e Oficios Pablo Picasso da Coruña, mostran o absoluto dominio da linguaxe e da construción arquitectónicas; convencido de que a arquitectura moderna representaba un mundo máis xusto, construíu moitas vivendas, tanto individuais como colectivas, amosando a unión entre arquitectura e o compromiso e a ética.