Parador de Muxía

O arquitecto Afonso Penela será o encargado de deseñar o proxecto definitivo do parador de Muxía. Penela expón un edificio graduado para adaptar o conxunto á estrutura do chan da zona na que se situará. Segundo o xurado do concurso o proxecto destaca "pola súa integración nun espazo privilexiado de enorme riqueza paisaxística, pola funcionalidade dos accesos ao mesmo e polo deseño dos volumes para a súa integración na orografía".