Arquía/documental

Estes días a biblioteca incorporou novos números da colección arquía/documental . O número dez dedicado a Herzog & de Meuron e o once a Sir John Soane. O obxecto desta colección é a edición de documentais dedicados a arquitectos e arquitectura en formato DVD. Recupéranse así cintas inéditas no noso país dándoas a coñecer entre o público xeral, con subtítulos en castelán e acompañadas de información complementaria sobre o arquitecto ou o documental. Podedes localizalas no catálogo e pedilas no mostrador.

Javier Seguí

Dentro do ciclo de conferencias "Proxecto + investigación" mañán venres ás 12:00h no salon de graos da nosa escola , falará Javier Seguí catedrático do departamento de ideación gráfica da ETSAM UPM.

Arquitecto e máis...

Os arquitectos non só planifican, algúns tamén teñen cans gañadores en concursos internacionais, como o caso de José Armas Lesto e a súa chihuahua Remigia, gañadora no certame internacional de Bratislava.

Vexan, vexan.

Premio Enor de arquitectura

Os arquitectos Víctor López e Juan Manuel López Funes obtiveron o Gran Premio de Arquitectura Ascensores Enor pola vivenda unifamiliar que proxectaron no conxunto da antiga fábrica de curtidos da Ribeira de San Lourenzo, en Ponche Sarela, nas proximidades de Santiago.
Este conxunto industrial destínase a un novo uso hostaleiro, que se reparte entre os corpos existentes rehabilitados e outros de nova execución que se integran na ladeira sur do río Sarela, dando continuidade ao aterrazamiento do terreo lindeiro.

Tan cerca, tan lejos

No MACUF e ata xaneiro do 2010 pódese visitar a exposición "Tan cerca, tan lejos" a cal reune nun mesmo espazo unha selección de obras de seis artistas plásticos galegos - Afonso Abelenda, Jesús Caulonga, Felipe Criado, Deside, José Luís Penado e Pedro Solveira - que inda tendo estilos moi diferentes, pertencen todos eles a unha mesma xeración.

Debuxos de arquitectura e ornamentación

Coincidindo co estudo, restauración e publicación do Catálogo razoado dos Debuxos de Arquitectura e Ornamentación do século XVIII da Biblioteca Nacional de España, realízase unha exposición representativa e selectiva da enorme riqueza dos fondos de debuxos mencionados.
Na nosa biblioteca podedes consultar os dos séculos XVI e XVII e esperamos poder incorporar pronto os do século XVIII.Mentras tanto disfrutemos dun vídeo

Contrato con cargo a proxecto para un arquitecto

Na páxina web da UDC anunciase a convocatoria de contratación dun arquitecto para o diseño e elaboración de cartografía dixital. O prazo de presentación de instancias remata a semana próxima.

A Cidade dos barrios

Esta semana o experimento nº 3, dentro dá plataforma de reflexión e difusión "A cidade dos barrios" ,realízase no barrio As Atochas - Monte Alto .
O luns 9 e o martes 10 realizáronse unha serie de reunións de traballo e debate nalgúns dos centros sociais do barrio, e desde o xoves 12 ata o sábado 14 desenvolveranse varias actividades dirixidas a posibilitar e solicitar as opinións dos veciños.