O cine das vangardas

Este venres 12 de febreiro celebrarase unha xornada maraton no salon de actos da ETSAC co tema o cine das vangardas.

Esta actividade cultural está organizada pola materia de teoría da arquitectura, o departamento de composición e a dirección da escola.

Plan de Ordenación do litoral

Xorde como un instrumento capaz de favorecer unha xestión integral do territorio, un instrumento eficaz para dirixir os usos do solo co obxectivo de avanzar cara a unha sociedade máis xusta e competitiva pero ao mesmo tempo máis comprometida coa sostibilidade e a paisaxe, estes son alguns dos seus principios que se recollen na introducción.
Podese consultar o documento previo á aprobación inicial do Plan de Ordenación do litoral na web da Xunta de Galicia.

Curso ARCHICAD BIM

No Laboratorio de Deseño da ETSAC vaise impartir un curso gratuíto de Archicad que tera lugar nos vindeiros venres 5,12,19 de febreiro en horario de 16:00 a 20:30 h.
O curso está organizado polo Departamento de Representación e Teoría Arquitectónica.

Exposición na Fundación Luis Seoane

Ata o día 21 de marzo pode verse na sede da Fundación a exposición "Muestra la herida" que é a primeira parte dun proxecto centrado na relación entre arte e medicina.

Busca dirixir a nosa atención cara os vínculos existentes entre o feito artístico e a enfermidade. Reune obras de trece artistas de diferentes nacionalidades.

Taller de maquetas

O taller de maquetas da ETSAC reabre co seguinte horario: mércores de 17 a 20 horas e venres de 11 a 14 horas.
Nese horario os usuarios do taller contarán coa asistencia de maquetistas profesionais.

Xentes, espazos e lugares

É un programa de conferencias que pretende fomentar a reflexión sobre o contorno no que o home convive diariamente. Este ciclo organizado polo Proxecto Terra foi presentado o venres e se prolongará ata o 13 de maio no Fórum Metropolitano por el pasarán xente como Joan Busquets, Luis de Sepulveda....

Recursos da biblioteca. Pórtico

Pórtico é o portal que permite acceder aos recursos de información electrónicos seleccionados pola Universidade da Coruña.
Sirve para buscar:
.Revista electrónicas
.Artigos de revistas científicas
.Localizar recursos electrónicos gratuitos e de pago
.Facer buscas simultáneas en varios recursos: bases de datos, catálogos......
Podedes acceder a este metabuscador dende a web da biblioteca.

Arquitectura sostible en Ferrol

Un proxecto de arquitectura sostible prevé a recuperación da paisaxe da praia de Doniños, en Ferrol, cun edificio semienterrado e dotado de enerxías renovables.
Segundo o autor do proxecto ,Manuel Fonseca Galego "a actuación pretende basicamente recuperar a paisaxe tras a demolición de todas as construcións existentes fóra de ordenación e devolver así o seu esplendor á praia».