Para os adictos ao RSS.
En relación ao problema que xurdiu co peche de Google Reader
previsto para o 1 de xullo, só podemos dicir que polo momento non parece que
exista no mercado un substituto claro que ofreza as funcionalidades que
gozabamos ata agora co lector de Google, polo menos cun nivel de calidade
satisfactorio ou cunha aprobación maioritaria. Nós o estamos a intentar
con Feedly.
Isto é debido a que Google Reader, cando fixo a súa
irrupción no mercado alá polo 2005, conseguiu atraer a un número tal de
usuarios que abocou ao resto de servizos a unha posición marxinal. Neste
contexto, e sobre todo co xurdimento de novos dispositivos como os smartphones
e as tablets, foron aparecendo distintas aplicacións, non tanto co ánimo de
substituír a Google Reader, como si de complementalo. Así, ferramentas como
Feedly ou Flipboard, tiveron certo éxito ao ofrecer unha visualización moito
máis amigable que Google Reader, pero
sen tratar de competir noutro tipo de áreas (xestión de feeds, etc.). De
feito, a primeira delas, Feedly, xa ofrecía dende o primeiro momento a
posibilidade de sincronizar a súa conta coa de Google, o que deixaba clara a
súa estratexia.
Por iso, aínda que agora a web estea a encherse de
comentarios, análises e recomendacións sobre cal pode ser a ferramenta idónea
para a migración de datos, cremos que o mercado non está maduro nin preparado
para dar unha resposta satisfactoria a curto prazo e que agora se abre un tempo para a aparición
de novos servizos (ou de servizos xa actuais, pero con melloras substanciais
nas súas funcionalidades) que si teñan como obxectivo captar aos centos de
miles de usuarios seguidores desta tecnoloxía. Ábrese a porta a un importante
mercado que Google Reader deixa orfo e a bo seguro que alguén saberá aproveitar
esta oportunidade. Neste sentido, os propietarios de Digg (servizo de noticias
2.0) anunciaron que están a preparar un lector de RSS que substitúa con garantías ao servizo de Google.
Oxalá.
Mentres tanto, o noso consello é aguantar, obter un arquivoOPML con todos os nosos feeds e gardalo
baixo chave, crear unha conta nalgunha das distintas alternativas existentes
coma Feedly e estar permanentemente
atento ao mercado. Nós seguiremos a informar.
Enlazamos varios posts de lectura recomendada.
Shock ante o peche de Google Reader:
Alternativas:
As alternativas que están por chegar:
Como exportar os teus
feeds:
2 comentarios:
Muy bueno.
Enhorabuena me ha encantado. Saludos y ánimos,
María Sánchez
Muchas gracias! Gran aporte
Publicar un comentario