Arquitectura de Galicia

Hoxe vos queremos falar dun proxecto moi interesante realizado por alumnos desta Escola.

 

O proxecto de arquitecturadegalicia.eu é unha resposta ante a necesidade de recopilación e clasificación de toda a arquitectura moderna en Galicia. .

A páxina web que é pública desde novembro do 2012 funciona como un buscador da arquitectura galega moderna (dos últimos 40 anos) facendo unha recopilación que cada día medra, engadindose dous proxectos diarios. A web serve de base datos, á que todo o mundo pode engadir información, a través do formulario de carga de proxectos.
A base cartográfica aberta que utilizan permite visualizar sobre o mapa, tamén dispoñible na web, as obras na súa posición exacta, de forma que pode servir de apoio á exploración  ou servir de guía de arquitectura dunha área determinada.
Os requerimentos de publicación na web, pasan por que a obra se trate de unha obra construída, finalizada nos últimos cuarenta anos, que sexa visitable e que teña interés arquitectónico na súa solución. A páxina non pretende ser soporte de promoción de ningún estilo arquitectónico nen estudio concreto.
Con esta base de catalogación, existe un listado dos arquitectos dos que xa se dispón de información, coas súas obras asociadas, así como un filtro por usos.

Este traballo recolle tamén as obras que foron premiadas por premios galegos, como os COAG, Xoana de Vega, Enor, etc con todas as súas edicións. Pode accederse á base de datos de premios en esta ligazón.