BLOGUETECA DA BETSA

Premio Internacional VELUX 2012

2012-01-26T19:18:00.006+01:00

Xa está aberto o prazo de inscrición para participar no Premio Internacional VELUX para Estudantes de Arquitectura que se celebra cada dous anos e que se organiza coa colaboración da Unión Internacional de Arquitectos (UIA) e a Asociación Europea de Educación de Arquitectura (EAAE).

O seu obxectivo é promover a luz natural, o aire fresco e a calidade de vida. O Premio quere animar e retar aos estudantes a explorar o tema da luz natural no seu sentido máis amplo para fomentar un coñecemento máis profundo desta fonte de luz e enerxía, cada vez máis importante. Os proxectos serán avaliados por un xurado composto por arquitectos recoñecidos que representan distintas perspectivas da arquitectura mundial

Le Corbusier : Le Cabanon

2012-01-24T19:13:00.003+01:00

Xa temos na biblioteca un novo número da colección arquía/documental co título "Le Corbusier : Le Cabanon" que fai o número 22 desta colección.
Este documental conta a historia da cabana de madeira que Le Corbusier debuxou, en corenta e cinco minutos, á súa esposa Yvonne, como agasallo de aniversario. Ocorreu un 30 de decembro de 1951 en Roquebrune-Cap Martin (Francia), estando no merendero "L'étoile de mer", sobre o que apoiaría unha das paredes da súa nova habitación, fiel ao Modulor.

Insertamos un trailer do documental

Os pavillóns efímeros como campo de experimentación

2012-01-20T19:17:00.004+01:00

É o titulo da última tese que foi depositada na nosa biblioteca por parte do seu autor Manuel Rivás Gulías.
Os pavillóns foron fundamentais na historia recente da arquitectura, polo menos desde mediados do século XIX. Co inicio das grandes exposicións internacionais en Londres, estes eventos mostraron o potencial artístico, económico, industrial, etc..dos países participantes, representados así por unhas construcións con data de caducidade que porén se converteron en auténticos laboratorios de experimentos, imprescindibles para desenvolver posteriores obras permanentes.

XI premio de arquitectura con ladrillo

2012-01-18T18:39:00.003+01:00

O Mercado de San Antón, dos arquitectos José María García do Monte e Ana María Montiel Jiménez, foi o gañador da XI Edición do Premio de Arquitectura de Ladrillo 2009/2011.
Este mercado está situado no madrileño barrio de Chueca, o xurado valorou a utilización do ladrillo como material que proporciona unha presenza adecuada, mediante unhas coidadas fachadas cegas, para un novo mercado que ten moi en conta a contorna no que se sitúa. As medianeiras dalgúns edificios próximos quedan ao descuberto con certa naturalidade, sendo esta decisión mimética compatible cun uso envorcado cara ao interior, dominado polo espazo e a luz cenital

Isaac Díaz Pardo

2012-01-16T18:08:00.006+01:00

Nestes días deixounos o artista galego Isaac Díaz Pardo. Dende a biblioteca como homenaxe incorporamos un libro sobre a súa vida relatada a través das conversas ca súa dona Carmen Arias , "Isaac Díaz Pardo, unha mirada familiar".
Tamén recordarvos que na colección dá biblioteca temos máis libros que recollen a súa obra e que podedes consultar no catálogo.

Spanish Dream

2012-01-12T18:24:00.003+01:00

Hoxe xoves 12 de xaneiro inaugurase na sede do COAG en Santiago a exposición SPANISH DREAM ,un proxecto do colectivo Cadelasverdes que propón unha reflexión crítica sobre a crise económica e as súas consecuencias.
A idea fai referencia ao American Dream como símbolo do que anhela todo un país, o obxectivo final que hai que alcanzar na vida: ter unha vivenda en propiedade. Este desexo lexitimou un modelo social baseado na produción indiscriminada, amparado pola especulación bancaria.
Spanish Dream alude especialmente ao emocional, recreando escenas familiares en espazos de obras sen terminar cun aspecto pouco doméstico que probablemente nunca chegará a telo. O proxecto propón a reflexión sobre unha sociedade que, arrastrada polo afán de converterse en propietaria, esqueceu o verdadeiro sentido do habitar.

Ricardo Legorreta

2012-01-11T16:31:00.005+01:00

O arquitecto Ricardo Legorreta (México, 1931), considerado o máis destacado exportador da arquitectura contemporánea mexicana, faleceu o 30 de decembro.

A súa obra desenvolveuse a partir da comprensión dos valores da arquitectura tradicional mexicana. Logrou traducir as influencias de Mathías Goeritz e sobre todo de Luís Barragán no que o analista da arquitectura Kenneth Frampton denominou regionalismo crítico, que no seu caso se expresou polo rescate de tipoloxías e elementos coloniais e populares, como os patios e os arcos, destacando polo uso intensivo das cores nos seus edificios. A relación con artistas como Vicente Vermello ou Francisco Toledo e con arquitectos como Charles Correa ou Aldo Rossi, marcaron unha traxectoria profesional que sempre tivo como referentes as tipoloxías coloniais e a atemporalidad das formas primarias de Louis Kahn. Aínda que a súa carreira foi sempre exitosa, a etapa máis prolífica céntrase nos primeiros anos noventa: o Museo MARCO en Monterrey (1991), o Museo do Neno na cidade de México (1993), a biblioteca central de Monterrey (1994), a biblioteca central de San Antonio, en Tezas (1995) e, sobre todo, o Centro Nacional das Artes na cidade de México son parte da súa titánica produción. En España asinou as vivendas sociais de Parque Europa, en Madrid, e o hotel Sheraton de Bilbao

Féliz Nadal

2011-12-23T16:32:00.003+01:00

Todo o persoal da biblioteca quere desexarvos un Féliz nadal e un venturoso 2012.
Recordarvos que nos seguiremos aqui durante todas as vacacións en horario de 9 h. a 19.50 h. agás os festivos.
A fotografía que acompaña a esta felicitación é dos nosos compañeiros da biblioteca de Arquitectura da Universidade de Sevilla.

Cámara Barroca

2011-12-21T20:08:00.002+01:00

Durante as vacacións de Nadal podemos visitar no Museo de Belas Artes da Coruña a exposición Cámara Barroca.
Esta mostra presenta a visión que do barroco galego fan os fotógrafos Vari Caramés, José Caruncho, Xurxo Lobato, Tino Martínez, Eduardo Ochoa e Xoán Piñón. A exposición esta composta por 60 fotografías nas que os autores establecen un diálogo co barroco e interpretan a súa arquitectura e escultura sen esquecer a paisaxe no que se inscriben moitas das arquitecturas. O catálogo da exposición pode consultarse na biblioteca.

SECHOR

2011-12-19T19:03:00.003+01:00

É un programa pensado para a verificación de seccións de formigón, dada unha xeometría da sección, uns armados e as solicitaciones que actúan. O programa non está pensado para definir o armado necesario, senón para comprobar que o armado disposto polo usuario é o non suficiente e que problemas pode presentar.

De uso gratuíto, está desenvolvido por Juan B. Pérez Valcárcel e Manuel Muñoz Vidal profesores dá Escola. Podese descargar na web do Departamento

Proxecto fin de carreira 2011-2012

2011-12-16T18:44:00.004+01:00

Xa está colgado na web da Escola o estudio xeotécnico da zona onde desnvolvese o tema deste ano "Bodega e turismo rural No ribeiro".
Tamben vos recordamos que na biblioteca podedes consultar a bibliografía que elaboramos sobre os temas cos que se vai traballar este ano no proxecto fin de carreira.

Obradoiros Universidade invisíbel

2011-12-13T16:46:00.004+01:00

Baixo o título A cuestión contemporánea, a Fundación Luís Seoane acollerá por segundo ano consecutivo os Obradoiros Universidade Invisíbel. do 14 ao 17 de decembro.
A celebración desta segunda edición supón de novo unha forte aposta por parte deste colectivo respecto da formación, difusión e experimentación dentro da cultura contemporánea, a través da análise de temáticas non reguladas cun gran impacto na nosa sociedade, utilizando os talleres como marco de reflexión e unidade de carácter formativo e orientativo para os mozos nunha sociedade inestable a nivel de produción cultural.

Eileen Gray : Invitación al viaje

2011-12-09T18:51:00.003+01:00

Xa temos na biblioteca un novo número da colección arquía/documental co título "Eileen Gray : invitación al viaje" que fai o número 20 de esta colección.

Este documental realiza un percorrido intelectual e vital da arquitecta, así como unha descrición exhaustiva da casa que empezou a construír en 1926, xunto a Jean Badovici, baixo o enimágtico nome de E.1027, unha das vivendas privadas máis importantes da arquitectura moderna. Oitenta anos despois, atópase en estado de ruína, pechada ao público e á espera de ser reformada. A casa está apartada e oculta das miradas dos transeúntes. Esta é a primeira vez que as cámaras filman a través do seu enreixado.

Fragmentos

2011-12-07T19:39:00.004+01:00

Como suxerencia para estes días vacacionáis podedes acercarvos ao 14!Club - San Vicente de Paul , Montealto, Coruña , onde ata o 7 de xaneiro estará esta exposición de fotografías de Roi Alonso quen a presenta deste xeito "Estamos afeitos ver a arquitectura desde unha visión xeral do volume ou o espazo. A idea desta exposición é achegarse aos pequenos detalles dalgunhas das obras máis recentes realizadas en Coruña e arredores. Momentos e instantáneas en ocasións atemporales e noutras perecedoiras onde a xeometría e a composición non deixan espazo á cor. Roi Alonso."

Eduardo Chillida. Sobre lo que no sé

2011-12-02T18:26:00.005+01:00

Na biblioteca preparamos unha pequena exposición cunha selección dalguns dos dibuxos que compoñen esta obra de Eduardo Chillida co afán de dar difusión a fondos que por non poder estar en acceso libre podan ser contemplados por todos os nosos usuarios.
Esta obra recolle en tres libros todos os escritos que Chillida realizou ao longo da súa vida acompañados por 60 reproducións facsimilares de debuxos seleccionados polo Museo Chillida-Leku. Máis información pódese atopar na web da obra.

John Gutmann : the photographer at work .

2011-11-30T18:45:00.003+01:00

É un dos últimos títulos que incorporamos á nosa colección. Este catálogo dunha exposición celebrada en Madrid componse dun centenar de fotografías realizadas polo artista alemán, procedentes dos arquivos do Centre for Creative Photography da Universidade de Arizona, que recollen a súa evolución como fotógrafo editorial e fotógrafo artístico. O protagonista da súa obra é a cultura popular americana, captando ao longo dos anos todo aquilo que lle resultaba máis marabilloso da vida cotiá e as xentes de Estados Unidos durante o pasado século.

Máis información e visita virtual na web dá FundaciónMapfre.

Manuel Gallego

2011-11-25T18:26:00.005+01:00

Este luns 28 de novembro haberá unha nova conferencia dentro do ciclo "Proxecto+Investigación 2. " será a derradeira do ciclo e para elo contarase coa presenza do arquitecto e antiguo profesor desta Escola ,Manuel Gallego, quen coa cultura desplegará na sua intervención o facer dende a complexidade derivada da fusión do mundo persoal e do mundo intelectual, poñendo en duda as certezas teóricas da arquitectura.

Na biblioteca fixemos unha pequena exposición co fondo bibliográfico que contamos deste arquitecto, podese tamén consultar no catálogo.

Periféricos miradoiro primeiro

2011-11-23T19:03:00.002+01:00

Mañán xoves 24 de Novembro na nosa Escola ,PERIFERICOS MIRADOIRO PRIMEIRO, xogará coa definición do termo para reflexionar sobre os múltiples posicionamentos ante e desde a profesión. Exponse como a reunión de catro recoñecidos arquitectos: Félix Arranz, Arturo Franco, Carlos Labarta e Alberto Veiga, de diferentes orixes e perfís profesionais que trasladarán aos asistentes as súas densas e intensas experiencias que van desde a dirección de bienales de arquitectura, a edición e dirección de publicacións, a docencia, a investigación, ata a redacción de proxectos, para finalmente dialogar co profesor da ETSAC Carlos Quintáns.

Premios ENOR 2011

2011-11-22T18:14:00.005+01:00

O premio para o mellor proxecto de Galicia recaeu este ano no Parque Arqueolóxico da Arte Rupestre de Campo Lameiro, do estudo de Santiago RVR Arquitectos. Un gran oco atravesa transversalmente o edificio conectando o camiño que parte do aparcadoiro co que vertebra as circulacións a través do parque. Este oco é tamén o zaguán de entrada aos principais espazos públicos do centro: vestíbulo, espazos de exposición e tenda-cafetería. A construción dunha rede de camiños e carreiros fixo posible a integración dos grupos de petróglifos nun conxunto de percorridos coherente, que permiten ao visitante ir descubrindo os gravados a medida que percorre o parque.

Fotografía de Tono Mejuto

V Xornadas da Paisaxe Cultural do Noroeste

2011-11-21T18:58:00.002+01:00

Do 23 ao 26 de novembro no Pazo de Mariñán (Bergondo), terán lugar estas Xornadas, organizadas pola Deputación Provincial de A Coruña , onde se pretende reflexionar acerca deste tipo de estruturas baixo diferentes visións e analizando diferentes experiencias tanto en España como noutras partes do mundo, sexa cal sexa a súa escala. Máis información na páxina web da Escola galega da paisaxe

Ricard Pié

2011-11-18T19:01:00.002+01:00

Este luns 21 de novembro dentro do ciclo Proxecto+Investigación 2 estará na Escola Ricard Pié Ninot Arquitecto e Urbanista, un dos principáis artífices da Barcelona do 92.
Planteará, ó Límite, a fronteira, como aquel elemento que fixa con precisión un ámbito e que separa, para determinar a capacidade do lugar de convertirse nun espacio con personalidade propia.
Podedes visionar este vídeo sobre a súa obra.http://youtu.be/7m69RNJdh-A

PFC 2011-2012

2011-11-17T18:28:00.008+01:00

Xa podedes consultar na biblioteca a bibliografía que elaboramos sobre os temas cos que se vai traballar este ano no proxecto fin de carreira:

Bodega e Enoturismo

Ademáis informaros de que a ETSA de Sevilla xa permite a consulta dos PFC da convocatoria de septembro a través de internet.

Encontro coa Facultade de arquitectura de Estambul

2011-11-16T19:04:00.005+01:00

Mañán xoves 16 de novembro o director da Facultade de arquitectura e construcción da Halic University , Vefa Cetin, nos falará ás 12 :00 h. de Ottoman Palaces e ás 13:00 h sobre Mass Housing (Social housing).
O venres 17 de novembro ás 12:00h. o profesor Genco Berkin falará sobre Turkish House. The Past and the Present e ás 13:00 h. o seu tema será Ecologic Glass - A technological point of view.

Metagenesix

2011-11-15T18:49:00.006+01:00

En novembro inaugurouse na Escola a exposición Metagénesix/Nova Arquitectura de Galicia. Baixo este título preséntabase unha mostra da Nova Arquitectura que se realiza en Galicia.

Mañán 15 de decembro presentarase o libro-catálogo e haberá conferencias e debate. Máis información no seu blog.

Formación de usuarios

2011-11-11T17:32:00.001+01:00

Unha nova edición do curso como se prepara un traballo académico
Lugar: Campus da Coruña: Aula 1 do Edificio Capdevielle
Data: 28 e 29 de novembro de 10:30 a 13:30

Dirixido aos usuarios e usuarias da biblioteca universitaria
Prazo de inscrición entre o 10 de novembro e o 24 de novembro
Formulario de inscrición na web da UDC.

Conferencias na ETSAC

2011-11-10T16:52:00.002+01:00

Mañán venres 11 de novembro ás 10.30 non salón de graos da nosa Escola, estará o profesor invitado Lorenzo González Casas quen falará sobre o ensino de arquitectura en Venezuela, en concreto na Universidade Simón Bolivar (Caracas).
O luns día 14 haberá unha nova conferencia dentro do ciclo proxecto +investigación 2, falarán os libreiros Jose Manuel e Ramón domínguez da librería Formatos e José María delapuerta profesor dá ETSAM. Invitámosvos a que visitedes a páxina web do seu estudo.

Rui Chafes. Campo de sombras

2011-11-09T15:41:00.003+01:00

Esta exposición que podemos ver na Fundación Luís Seoane ata o 15 de xaneiro de 2012 constitúe a primeira exposición individual institucional do artista portugués Rui Chafes en España, un proxecto expositivo que presenta algunhas das súas obras máis significativas dos últimos dez anos. Co ferro pintado de negro ou cinza como material exclusivo dos seus traballos, Rui Chafes defende unha actitude moi persoal e orixinal de concibir a escultura, ensaiando formas que se moven entre o figurativo e o abstracto, estruturas de aspecto cortante, cunha singular poesía.

Tamén a Fundación Luís Seoane promove de novo un curso de aproximación á arte contemporánea e actual. Toda a información pódese consultar na súa páxina web.

Xornadas de Bioconstrucción Someso 2011

2011-11-07T18:19:00.002+01:00

As Xornadas de Bioconstrución e Enerxías Renovables
desenvolvidas polo Departamento de Edificación e Obra Civil nacen
co propósito de ofrecer un complemento na
formación profesional dos alumnos, aportando outro xeito de
interpretar e facer a construción: o respecto pola saúde e a
ecoloxía.
Desenvolveranse durante os días 10,11 e 12 de novembro.
Máis información na web do centro

Elisa Valero

2011-11-04T18:46:00.003+01:00

Dentro do ciclo de conferencias Proxecto+Investigación 2, este luns 7 de novembro ás 12 h. no salón de actos da nosa Escola, estará Elisa Valero profesora titular de proxectos arquitectónicos da ETSAG quen espidirá a esencialidade do proxecto, vaciarao de superficialidade coa artisticidade contida no mundo dos obxetos arquitectónicos.

Este ciclo de conferencias propón un acercamento ós procesos lóxicos da ideación, a seu sistematización e transmisión. Procesos susceptibles de xerar un discurso arquitectónico propio, elaborado coas ferramentas adquiridas a través da indagación crítica. Discurso fundamentado no manexo de múltiples variables aplicadas cun considerable grao de libertade persoal, para así poder dar validez á disparidade de camiños presentes na elaboración do proxecto.

Pecha kucha night

2011-11-02T18:29:00.007+01:00

Este venres 4 de novembro a partir das 23 horas no Praia Club celebrarase a quinta edición de Pecha Kucha Night Coruña.
Nesta ocasión exporán o seu traballo: Igalia [Software], Jorge Cao [Arquitectura], Sansoeurs [Deseño de xoias], Pablo Mella [Fotografía], O Monstro [Música], Pablo Gallego Picard [X-E-Z??], Aránzazu Moreno [Acción social], Santiago de Molina [Arquitectura e crítica], Agar Agar [Cociña] e Combo Dinamo [Música]

As Pecha Kucha Nights son un formato de presentación ou charlas multidisciplinares nas que os diferentes ponenentes utilizan 20 imaxes de apoio, cada unha de 20 segundos de duración que se proxectan durante a intervención dos distintos participantes.

Curso de formación de usuarios

2011-10-28T18:38:00.002+02:00

Debido a gran demanda das edicions anteriores a biblioteca da UDC convocou unha nova edición do seu curso de formación os días 10 e 11 de novembro.
Podedevos apuntar na web da biblioteca.

Arquitectura en Japón

2011-10-26T17:59:00.007+02:00

Mañán xoves 27 de outubro na aula magna da nosa Escola presentarase o libro "Arquitectura en Japón : miradas de Occidente".

Traballo realizado por 6 arquitectos profesores da Universidade da Coruña (Julia Álvarez García, Antonio Amado Lorenzo, Óscar Castro García, José Antonio Franco Taboada, Margarita Lorenzo Durán e Luís Muñoz Fontenla) e o fotógrafo Juan Rodríguez Vázquez ,formado na ETSA , é froito dunha viaxe de estudo a Xapón.

Xa podedes consultalo na biblioteca.

MZ:GZ Mozambique: Galiza

2011-10-24T18:42:00.001+02:00

Mañán martes 25 de outubro , o profesor da Faculdade de Arquitectura de Maputo impartirá unha conferencia sobre a súa Escola baixo o título "25 anos despois. Desafios para o futuro", tamén haberá outra conferencia sobre o arquitecto José Forjaz.
Paralelamente a biblioteca preparou unha exposición cunha mostra de traballos académicos da faculdade de arquitectura de Maputo e unha mostra bibliográfica sobre Africa.

Francesc Rius

2011-10-21T18:12:00.007+02:00

Dentro do ciclo de conferencias Proxecto+Investigación 2, este luns 24 de outubro, tocalle o turno a Francesc Rius profesor da ETSAB que abordará a identidade como un factor que dende o propio, o singular da resposta aos múltiples problemas que as diversas escalas suscitan.

A conferencia será ás 12 h. no salón de actos da Escola. Na biblioteca podedes consultar diferentes publicacións que recollen a súa labor como arquitecto

Premio Juana de Vega de Arquitectura

2011-10-19T19:36:00.003+02:00

Unha casa construída na parroquia de Aldea de Arriba, en Bergondo (A Coruña), polo arquitecto Antonio Pernas Varela, gañou onte a edición anual dos Premios Juana de Vega de Arquitectura 2011. O xurado destacou da vivenda gañadora, o seu "compacto deseño, que engade calidade visual ao espazo próximo" e aplaudiu tamén a súa distribución, "ben organizada con alternativas de mobilidade exterior e interior, e bo criterio no emprego de materiais".

Boletín Académico. Revista de investigación y arquitectura contemporánea.

2011-10-17T18:52:00.006+02:00

Ata o 31 de outubro está aberto o prazo para a recepción de colaboracións para o número 2 (2012) desta revista. Os catro formatos de colaboración son :artigo científico, entrevista científica, crítica de arquitectura e crítica bibliográfica. As normas para os autores dos distintos tipos de colaboración pódense atopar en
http://www.boletinacademico.com/index.php/BAC

Antoni Ubach

2011-10-14T18:15:00.003+02:00

O ciclo de conferencias Proxecto Investigación 2,que se celebrará todos os luns do 17 de outubro ao 28 de novembro de 2011, propón un achegamento aos procesos lóxicos da ideación, á súa sistematización e transmisión. Procesos susceptibles de xerar un discurso arquitectónico propio, elaborado coas ferramentas adquiridas a través da indagación crítica.

A primeira destas conferencias celebrarase este luns 17 de outubro e será impartida por Antoni Ubach quen afrontará o reto de explicar a súa relación coa experimentación controlada, co traballo na fabricación industrializada .

Habitat a escala humana

2011-10-13T16:26:00.003+02:00

É un seminario e obradoiro que dende o 14 ao 28 de outubro desenvolverase na nosa Escola organizado por arquitectos sen fronteiras.
O plantexamento desta proposta significa recoñecer as carencias e insuficiencias das teorías económicas e sociais que serviron de sustento e orientación aos procesos de desenvolvemento ata o día de hoxe. Intentase apostar por un desenvolvemento a escala humana, referido ás persoas e non aos obxectos.

ar-quitecturas xornadas

2011-10-10T16:00:00.003+02:00

Estas xornadas de arquitectura organizadas polo Colectivo MOA terán lugar os días 14 e 15 de Outubro no Casino de Viveiro. A entrada é gratuíta.
O venres 14 analizarase o bloque de "Equipamentos urbanos" o sábado 15 será o bloque dedicado a "Vivenda" .As Xornadas finalizarán cun bloque dedicado a “Intervencións arquitectónicas”
Paralelamente haberá unha exposición titulada: "Recuperación urbana, Barcelona-Berlín"

Cursos de formación en bibliotecas

2011-10-06T17:07:00.004+02:00

O Grupo de Traballo de Formación de Usuarios organiza uns cursos os días 18 e 19 de outubro no Campus da Coruña e 20 e 21 no Campus de Ferrol.
Impartiranse en modalidade semipresencial, cunha duración de 10 horas, 6 presenciais e 4 on-line a través da plataforma Moodle do Campus Virtual.
Os asistentes recibirán un certificado co recoñecemento dun crédito de libre configuración.
O formulario de inscripción está na páxina web da biblioteca

A cidade histórica

2011-10-05T16:46:00.007+02:00

Na súa segunda edición, o Ciclo de Conferencias sobre
Restauración do Patrimonio Arquitectónico organizado polo
Departamento de Composición da nosa Universidade
rende homenaxe a Fernando Chueca Goitia (1911-2004),
ao conmemorarse o centenario do seu nacemento.
Estas conferencias celebraranse do 6 ao 8 de outubro na Real academia galega de belas artes Nosa Señora do Rosario.

Día mundial da Arquitectura 2011

2011-10-03T16:10:00.005+02:00

Arquitectura e dereitos humanos este é o lema co que a Unión Internacional de Arquitectos (UIA) decidiu orientar as celebracións do Día Mundial da Arquitectura, que se celebra hoxe en todo o mundo , coincidindo co Día Mundial do Hábitat.

A sede coruñesa do Colexio Oficial de Arquitectos de Galicia dedicará este día ao edificio da antiga prisión provincial. Exposicións, proxeccións ou conferencias formarán parte da programación durante toda a semana, aínda que o acto principal será unha visita guiada ao inmoble.

Fotografía de Carlos Pardellas.

Tese de doutoramento

2011-09-28T18:40:00.002+02:00

Mañán xoves, 29 de setembro, ás 11:00 horas no Salón de Graos do Edificio de Departamentos da ETS de Arquitectura procederase a lectura e defensa da Tese de Doutoramento por parte da profesora desta escola INÉS PERNÁS ALONSO.
O tema elexido para a súa tese é: "Escaleras de piedra de los conjuntos monásticos de la provincia de Ourense entre los siglos XVI al XVIII. Análisis gráfico".

Premio Gómez Román de Arquitectura

2011-09-26T18:56:00.002+02:00

Con este premio quérese valorar a recuperación do hábitat rural e das construcións adxectivas.
Asi na modalidade de Edificacións tradicionais rehabilitadas ou restauradas, os gañadores foron os arquitectos Estefanía Vázquez Müller e Roi Feijoo Rei polo proxecto de rehabilitación dunha vivenda en Ourense.No apartado de Construccións adxetivas, os premiados foron Óscar Andrés Quintela e Lourdes Pérez Castro, polo proxecto de rehabilitación dunha antiga construción de secado e industria de madeira en Muros, para uso de escola de deportes náuticos.

Novedades na biblioteca

2011-09-23T18:39:00.004+02:00

A partir de agora para acceder aos recursos-e da Biblioteca desde a nosa casa tan só haberá que autentificarse en servizos.udc.es, sen necesidade de configurar o proxy do navegador como ata agora.
Ademáis tamén se mellorou o catálogo dá biblioteca universitaria e agora podedes facer procuras de imaxes (carteis e fotografías), mapas, películas, traballos de fin de carreira/grao e traballos de fin de mestrado.

Semana da Arquitectura

2011-09-22T19:00:00.004+02:00

A Fundación Alejandro de la Sota abrirá as súas portas con motivo da VIII edición da Semana da Arquitectura, que organiza a Fundación Arquitectura do Colexio Oficial de Arquitectos de Madrid e o Concello de Madrid entre os días 3 e 10 de outubro de 2011 .

A información completa da actividade está publicada na web da Fundación.

Recordade que estamos subscritos á dita fundación e que podemos acceder ao seu arquivo dixital.

Shigeru Ban : arquitectura de emergencia

2011-09-16T18:24:00.002+02:00

A biblioteca incorporou un novo número da colección arquía/documental co título "Shigeru Ban : arquitectura de emergencia" é que fai o número 19 de esta colección.
O obxecto desta é a edición de documentais dedicados a arquitectos e arquitectura en formato DVD. Recupéranse así cintas inéditas no noso país dándoas a coñecer entre o público xeral, con subtítulos en castelán e acompañadas de información complementaria sobre o arquitecto ou o documental.
Podedes localizalas no catálogo e pedilas no mostrador.

Caxigueiro

2011-09-14T18:56:00.005+02:00

Mañán 15 de setembro este artista galego realizará unha instalación, denominada O ESPAZO DA PAISAXE, alusiva ao caos urbanístico.
A instalación componse de seis fotografías e diversas pezas, algunhas delas non tocan o solo para invitar á reflexión sobre a ocupación do territorio.

Cursos de formación

2011-09-13T19:10:00.004+02:00

Dende hoxe e ata o 30 de outubro estamos a realizar na biblioteca cursos de formación para os alumnos que empezan este ano e para todos aqueles que o precisen.
Podese escoller o día e a hora, as sesións duran entre 15 y 30 minutos, sólo hai que apuntarse no mostrador da biblioteca.
A boa utilización da información mellorará o teu rendemento académico.
Nas próximas semanas sairan as convocatorias de novos cursos dirixidos ao resto dos alumnos dos cursos superiores e de posgrado.

Serpentine Gallery pavilions

2011-09-09T20:07:00.002+02:00

Desde o ano 2000, a Serpentine Gallery, situada nos Kensington gardens de Londres, encarga a algúns dos mellores arquitectos do mundo deseñar pavillóns de verán, estruturas erixidas xunto á propia galería e cunha vida de só tres meses.
A biblioteca incorporou ao seu fondo o libro que por primeira vez reune todos os pavillóns da Serpentine. Editado por Taschen e coa análise do critico de arquitectura Philip Jodidio

Urban-e

2011-09-06T10:41:00.004+02:00

Urban-e é unha revista electrónica sobre territorio, urbanismo, paisaxe, sustentabilidade e deseño urbano; filla da revista académica URBAN, do Departamento de Urbanística e Ordenación do Territorio da Escola Técnica Superior de Arquitectura de Madrid.
Inicia a súa andaina cun número dedicado aos Camiños de Santiago, espazos históricos onde converxen as ideas e referente do que urban-e pretende ser: un espazo aberto a todos os profesionais do urbanismo en todas as súas facetas, onde conflúan as ideas e prodúzase o debate.

Curso 2011-2012

2011-08-01T13:09:00.003+02:00

Na web da Escola xa están anunciadas as datas de comezo do curso 2011-2012

Graduado en arquitectura: LUNS 12 DE SETEMBRO
Arquitecto: LUNS 3 DE OUTUBRO

Tamén publicouse o calendario de examenes para o novo curso e a lista de admitidos nos mestrados universitarios.
A biblioteca durante o mes de agosto só abrirá polas mañás en horario de 9 a 14 h. excepto a semana grande que será de 9 a 13h.
Felices vacacións.

ÁNGEL MARCOS Alrededor del sueño [Escenarios para el vacío]

2011-07-28T12:57:00.003+02:00

Angel Marcos ao longo de 10 anos realizou unha serie de traballos que se reúnen na triloxía ao redor do soño. No Museo de Arte Contemporánea de Gas Natural Fenosa - MACUF podemos ver ata o 11 de setembro unha selección de imaxes dos tres arquivos para ofrecer unha visión xeral da triloxía e a columna que o vertebra, que non é outra que a cidade como orde determinada e determinante da idea de progreso en detrimento do estado-nación como forma política de orde.

Premios FAD 2011

2011-07-26T12:47:00.004+02:00

Os Premios FAD se instituyeron no ano 1958 co obxectivo de impulsar as correntes de vangarda e recoñecer a calidade nos novos camiños e investigacións abertos entón respecto das linguaxes tradicionais.
O Hotel e Restaurante Atrio de Cáceres, de Emilio Tuñón e Luís Mansilla foi galardoado este ano pola súa suxestiva reinterpretación da estrutura espacial tradicional das casas da cidade.
Ademais O edificio Media-Tic, de Enric Ruiz Geli (Mención en Arquitectura); a reforma realizada por Iñaki Ábalos da Fundación Tàpies (Interiorismo) "; o parque das Aigües de lles Hortes de Vilabertran, en Figueres (Cidade e Paisaxe), de Michèle Orliacqy Miquel Batlle; e a caravana convertida en casa dun coleccionista nómade de arte por Martin Lejarraga e Ana Martínez Martínez (Intervencións Efémeras), completan o palmarés dos premios 2011.

Una casa en Mallorca

2011-07-15T17:20:00.004+02:00

É o título dun novo libro que incorporou a biblioteca á súa colección e que está centrado nun edificio do arquitecto Álvaro Siza .
Este libro é o primeiro dunha serie ideada por Souto de Moura. Está composto por unha selección de debuxos a man alzada de Álvaro Siza, xunto co traballo fotográfico do galego Juan Rodriguez.

XI premio de arquitectura con ladrillo

2011-07-12T18:09:00.003+02:00

A Asociación Española de Fabricantes de Ladrillos e Tezas de Arcilla Cocida, Hispalyt, convocou a undécima edición do Premio de Arquitectura de Ladrillo 2009/ 2011. Devandito Premio se instituye cunha dobre vontade: por unha banda, valorar a produción arquitectónica do noso país que utiliza o ladrillo cara vista, e por outro, procurar unha maior difusión e repercusión social das obras máis significativas durante o período correspondente.

A data límite para a presentación das obras e a súa documentación será o día 4 de novembro de 2011.

Journal Citation report (JCR)

2011-07-08T16:35:00.003+02:00

Journal Citation Reports (JCR) é unha base de datos que ofrece un xeito obxectivo e sistemático para avaliar críticamente as revistas máis importantes do mundo, con información cuantificable e estatísticas baseadas en datos de citas.
Xa están dispoñibles os datos do Journal Citation Report (JCR) de 2010 a través da plataforma Web da FECYT.
Na edición deste ano hai 8005 revistas con factor de impacto (2008: 6620, 2009: 7347).

- 73 para a serie de ciencias, 13 máis que o ano pasado
- 48 para a serie de ciencias sociais , 17 máis que o ano pasado

Exploring interiors

2011-07-05T16:14:00.002+02:00

É un curso, que terá lugar do 13 ó 22 de xullo en Santiago de Compostela, o cal ten a intención de desenrrolar métodos de estudo e interpretación para espazos interiores de edificios de valor histórico.
Integrará conferencias sobre obras de rehabilitación recente, como a dedicada al Neues Museum en Berlin, talleres prácticos .... Finalmente, preténdese expoñer ó público estos proxectos nunha exposición que marcará a conclusión do taller.
Podedes consular o programa e máis información na páxina do COAG.

Préstamo especial de verán

2011-07-01T18:14:00.001+02:00

O préstamo especial de verán (21 días) para os usuarios do grupo I (estudantes, PAS, Senior, Erasmus) empezará o día 15 de xullo e manterase ata o día 9 de setembro.
O día 12 de setembro recupérase a duración habitual do préstamo (10 días). Estas datas están adaptadas áo calendario académico de graos e mestrados: ata o 14de xullo hai probas de avaliación e o día 12 de setembro iníciase a actividade académica do curso 2011/2012.

Boletín Académico. Revista de investigación y arquitectura contemporánea.

2011-06-30T18:01:00.002+02:00

Xa pasaron tres meses desde que saíu o primeiro número desta revista e avanzando no seu proceso de homologación científica incorporouse á base de datos
Dialnet a cal é un dos maiores portais bibliográficos de acceso libre e gratuíto, cuxo principal labor é dar maior visibilidade á literatura científica hispana. Recompila e facilita o acceso a contidos científicos, principalmente a través de alertas documentais. Ademais conta cunha base de datos exhaustiva, interdisciplinar e actualizada, que permite o depósito de contidos a texto completo.
Este repositorio permitirá atopar os artigos a texto completo desta revista con máis facilidade.

Lee Miller

2011-06-28T18:19:00.003+02:00

Na sede da Fundación Caixa Galicia na Coruña podemos ver ata o 11 de setembro de 2011a primeira exposición retrospectiva que se lle dedica en España a un dos grandes nomes da fotografía do século XX Lee Miller.
Ao longo dos seus setenta anos de vida, Miller destacou como fotógrafa en campos tan dispares como a moda ou como correspondente de guerra. Son seus algúns dos retratos máis importantes de grandes artistas do seu século como Picasso, Ernst, Man Ray, Margaret Bourke-White e Tàpies, entre outros, ou algunhas das imaxes máis impactantes da II Guerra Mundial.

Revista proyecto, progreso, arquitectura

2011-06-24T18:02:00.002+02:00

Esta revista xurdiu a iniciativa dun Grupo de Investigación da Universidade de Sevilla.
O seu obxectivo é compartir e debater sobre investigación en arquitectura, tratando todos os temas relacionados coa teoría e a práctica do proxecto arquitectónico.
É unha publicación científica con periodicidade semestral, en formato papel e dixital que publica traballos orixinais que non fosen publicados anteriormente noutras revistas.
En formato on line está dispoñible o contido completo de todos os números publicados.

Bolsas de colaboración na UDC

2011-06-23T16:46:00.002+02:00

O obxecto desta convocatoria é a adxudicación de 133 bolsas de colaboración que permitan a formación teórica e práctica do estudantado matriculado nun centro propio da Universidade da Coruña,mediante a realización de actividades de colaboración en diferentes áreas de interese formativo, como son os centros, as áreas de cultura e comunicación .....
O prazo para presentar as solicitudes remata o día 1 de xullo de 2011. Podedes ver todala información na web da UDC.

Richard Rogers

2011-06-21T17:59:00.003+02:00

O arquitecto británico Richard Rogers obtivo o Premio Internacional Fundación Cristobal Gabarrón de Artes Plásticas 2011 en atención ao "dinamismo e orixinalidade dunha obra arquitectónica caracterizada por unha equilibrada combinación de funcionalidade e beleza e polo seu compromiso cos retos sociais e ambientais do noso tempo, plasmados especialmente nun labor urbanístico marcada pola sustentabilidade".
Estes Premios buscan recoñecer o labor e distinguir a traxectoria exemplar,
tanto de particulares como institucións, comprometidas na defensa daqueles
valores que constitúen os principios reitores da propia
Fundación, así como a súa achega á humanidade en cada unha das súas
categorías.

Formación en Scopus

2011-06-16T16:38:00.004+02:00

Scopus é unha base de datos que ofrece o acceso a máis de 18.000 publicacións científicas, técnicas, médicas e de ciencias sociais procedentes de 5.000 editores internacionais. Preséntase como a maior base de datos individual de resumos e citas xamais construída.
Durante a próxima semana haberá unhas xornadas de formación para bibliotecarios e para PDI, nos campus da Coruña -pola mañá- e Ferrol -pola tarde.
Na Coruña serán na aula 3.0 da Facultade de Informática, en Ferrol na aula de informática do Edificio de Apoio ao Estudo.
Máis información na páxina da FECYT.

Taller de arquitectura paramétrica

2011-06-16T16:19:00.003+02:00

O obxectivo deste taller é proxectar e construír un pavillón de madeira temporal, que optimice deseño e fabricación, mediante a aplicación de técnicas de Deseño Paramétrico e corte CNC (Control Numérico Computarizado). Durante o mesmo os alumnos formaranse no uso de ferramentas de software paramétrico e elaborasen con elas os seus proxectos en equipos. Entre os proxectos desenvolvidos no Taller de Proxectos seleccionarase, mediante concurso e xurado, a proposta que será construída a escala 1:1.

Organizado por Cis madeira desenvolverase do 11 ao 22 de xullo de 2011 en Ourense, matricula aberta ata o 22 de xuño.

Especies de espacios verdes

2011-06-13T19:11:00.004+02:00

Jordi Bellmunt impartirá esta conferencia o mércores, 15 de xuño, ás 12 horas no Salón de Graos da Escola Técnica Superior de Arquitectura da Coruña.
A devandita conferencia enmárcase dentro das actividades que a Escola Galega da Paisaxe está a realizar para promocionar a nova edición do Máster en Arquitectura da Paisaxe Juana de Vega.
Con estas conferencias, impartidas por profesionais de recoñecido prestixio en arquitectura da paisaxe, preténdese transmitir aos potenciais alumnos, que tipo de proxectos realiza un arquitecto paisaxista, como se abordan e que aspectos se deben ter en conta no deseño e execución dos mesmos.

Na biblioteca fixemos unha selección de libros que teñen que ver con este tema para que podades consultalos.

Mi vida con Vostell. Un artista de vanguardia

2011-06-10T18:43:00.004+02:00

A biblioteca incorporou á súa colección o libro "Mi vida con Vostell. Un artista de vanguardia".
O volume recolle as vivencias compartidas durante corenta anos pola autora e o seu esposo Wolf Vostell, pioneiro do movemento fluxus e da arte conceptual en Europa, estivo activamente comprometido co seu tempo e realizou neste sentido unha obra incoformista e innovadora, reconocible polas súas personalísimas técnicas de dea-collage e borramiento, as súas environments, as súas happenings e a utilización do formigón como material de traballo e inspiración.
Recomendámosvos a súa lectura e tamén que visitedes a web do Museo Vostell Malpartida.

La morada del hombre

2011-06-08T18:50:00.004+02:00

Na Fundación Barrié da Coruña podemos ver , por primeira vez en Europa, a exposición "La Morada del hombre. Fotografías de la Colección Martin Z. Margulies".

A través de 50 autores e máis de 165 imaxes entre fotografías e vídeos, explora a cuestión de como o home habita no mundo, interactúa con el, modifícao e, en definitiva, deixa a súa pegada na realidade das emocións, da vida, do traballo, da natureza. A exposición articúlase ao redor de tres áreas: Construír, habitar: cartografiar territorios, que inclúe a serie de Alain Bublex, Plug in City; Estar no mundo, con obras de Le Friedlander ou Renger-Patzsch; e Fluxos, signos e símbolos,na que destaca o traballo de William Eggleston.

Xornada de proxecto+investigación. Publicar no ámbito científico

2011-06-07T16:59:00.004+02:00

Mañán mércores 8 de xuño ás 12:00 h. no salón de graos dá nosa Escola
proponse esta xornada como unha aproximación aos mecanismos e estratexias propios da publicación en revistas cientificamente relevantes.
Falarase da revista Journal of Architectural and Planning Research, xunto cunha charla-coloquio sobre "Publicar en revistas de impacto: estratexias e criterio".

Como se prepara un traballo academico

2011-06-03T16:38:00.004+02:00

O Grupo de Traballo de Formación de Usuarios do Servizo de Biblioteca da UDC volve a convocar unha nova edición deste curso para os días 13 e 14 de xuño.
O obxetivo principal que se persigue é a adquisición de competencias no uso dos recursos que dispón a nosa biblioteca universitaria.
O prazo de inscrición remata o día 8 de xuño e podedes atopar a folla de inscrición e máis información na web da UDC.

Cursos de verán 2011

2011-06-01T18:03:00.004+02:00

A Universidade ven de convocar a súa oferta de cursos para este verán. Podedes consultalos na web da UDC.
O curso máis relacionado coa arquitectura é VIVENDA E ESPAZOS DE RELACIÓN NOS NÚCLEOS TRADICIONAIS DE GALICIA 4. CASAS, ALDEAS, PARROQUIAS que se desenvolverá entre o 4 e o 8 de xullo no Concello de Allariz.
Nesta cuarta edición empregarase como área de traballo outra parroquia na que continuarase tendo en conta a necesidade urxente de recuperar os espazos de relación do rural galego e a esixencia de adaptación ás novas demandas sociais. A aproximación á zona formúlase desde diferentes disciplinas: xeografía, ordenación do territorio, medio ambiente, fotografía, arqueoloxía e arquitectura.

Sistemas de calefacción en los edificios

2011-05-27T18:52:00.004+02:00

A biblioteca ven de incorporar ao seu fondo un CD-ROM o cal
recolle 60 normas sobre sistemas de calefacción nos edificios, clasificadas por: sistemas de calefacción, chan radiante, xeradores de calor, requisitos de seguridade e ambientais para as bombas de calor.
Recordarvos que desde a páxina web da biblioteca podedes acceder á consulta de todas as Normas UNE a texto completo na base de datos Norweb de AENOR.

Xa podedes consultar na web da UDC a programación de NORMAL para a semana próxima

Arquitectura escrita

2011-05-26T18:41:00.004+02:00

Esta exposición que podemos ver na Fundación Luis Seoane ata o 10 de xullo,
aborda un tema amplo e complexo como son as relacións entre arquitectura e literatura a través das construcións imaxinadas e pensadas por escritores ao longo de case 2.500 anos de historia.

A mostra consta de gravados ou debuxos relacionados con obras literarias nas que a arquitectura ou o urbanismo teñen un papel especialmente relevante e de maquetas realizadas expresamente para visualizar eses espazos textuais que existían nun principio só en papel.

Convocatoria para estadías en empresas europeas

2011-05-24T18:29:00.002+02:00

A Universidade da Coruña convocou 95 axudas para estadías de prácticas en empresas europeas para titulados recentes da UDC. Os obxectivos que se persiguen ,entre outros son: completar a formación teórica,mellorar as posibilidades de emprego...
O prazo de presentación de solicitudes remata o 1 de xuño.
Podedes consultar toda a información na web da UDC

Ebrary

2011-05-20T18:16:00.004+02:00

Durante estos días e ata o día 2 de xuño a biblioteca ofrece o acceso en proba a esta colección de libros electrónicos que inclue máis de 50.000 títulos da Academic Complete de Ebrary, moi usados nas bibliotecas americanas.
Ebrary conten un conxunto de ferramentas de referencia e unha rica colección que inclue libros,revistas, mapas e outras publicacions.

Xa podedes consultar na web da UDC a programación de NORMAL para a semana próxima.

Reciclaxe de material plástico de refugallo

2011-05-18T18:12:00.003+02:00

Esta conferencia será o acto de peche do ciclo de actividades que baixo o nome de "Primaveira Ambiental" organizou a Oficina de Medio Ambiente (OMA) da UDC, e constitúe o primeiro paso na difusión que desde Arquitectos Sen Fronteiras se pretende facer da investigación que, baixo a coordinación da profesora desta Escola Cristina García Fontán , está a explorar as posibilidades que ofrece a reciclaxe de material plástico de refugallo para o seu aproveitamento en sistemas construtivos en equipamentos comunitarios.
A charla terá lugar este Xoves 19 de Maio as 12h no salón de actos da ETSAC.

Construcción de fachadas en granito

2011-05-16T17:33:00.004+02:00

Os arquitectos galegos Luís Collarte, co seu proxecto "Un mar de pedra" e Julio Grande e Adolfo Agra, antigos alumnos desta Escola, co seu traballo "P321" foron os gañadores do premio do Concurso de ideas para a construción de fachadas en granito convocado pola Fundación Centro Tecnolóxico do Granito.
O xurado valorou, entre outras, as solucións orixinais, o aforro enerxético, a rapidez da montaxe, a sinxeleza nas reparacións e aquelas formulacións que se apoiasen nas características específicas do granito fronte a outros tipos de pedra natural ou artificial.

Premio Juana de Vega de Arquitectura

2011-05-10T18:48:00.002+02:00

A Fundación Juana de Vega dedica os seus esforzos a colaborar na mellora das condicións de vida do ámbito rural galego e no respecto da súa contorna natural.
Con este Premio búscase recoñecer a mellor vivenda unifamiliar, tanto de nova planta como de rehabilitación, terminada o ano natural anterior en Galicia, segundo o criterio do xurado. Este valorará especialmente a capacidade da obra para converterse nunha referencia social que poida influír favorablemente nos tipos de vivenda que se constrúen no medio non urbano.
A data límite de presentación dos proxectos realizados é o 31 de Maio.

Máis información na web da Fundación

Juan Luis Dalda: 40 anos de urbanismo en Galicia

2011-05-06T18:50:00.003+02:00

O venres 13 de maio de 2011 ás 12 h. no salón de actos da nosa Escola farase una revisión do urbanismo contemporáneo en Galicia a través do percorrido vital dunha figura clave como Juan Luís Dalda, profesor desta Escola que nos deixou recientemente.
Falarase da súa formación e actividade académica e a súa actividade profesional e contarase coa participación de moitos de aqueles que traballaron con él entre eles: Xosé Manuel Casabella López, José J. González-Cebrián Tello, Felipe Peña Pereda.......e moitos máis.

Landscape urbanism : a new synthesis

2011-05-03T18:23:00.006+02:00

Este luns 9 de maio no salón de actos da nosa Escola ás 11 h. estará Eva Castro, Directora do programa de Landscape urbanism de la Architectural Association y cofundadora de Plasma Studio y GroundLab, unha empresa multidisciplinar que explora o Landscape Urbanism como unha nova resposta ás condicións sociales, económicas e ambientales contemporáneas.
Podedes ver na biblioteca libros que seleccionamos que teñen que ver co tema desta conferencia.

Sagrada familia

2011-05-02T16:31:00.003+02:00

Iniciada a finais do século XIX, a basílica da Sagrada Familia non soamente é o símbolo máis característico da cidade de Barcelona e unha obra capital de Antoni Gaudí, senón tamén un dos edificios máis significativos da arquitectura relixiosa moderna, que integra armoniosamente os aspectos técnicos, estéticos e espirituais.
Este libro ,que xa podedes consultar na nosa biblioteca ,contén imaxes inéditas de gran espectacularidade, especialmente do traballo realizado durante os últimos trinta anos.

Programa Iacobus

2011-04-28T18:37:00.002+02:00

O programa Iacobus da Escola Técnica Superior de Arquitectura recibiu unha medalla do Consello de Puy-de-dôme. Esta medalla débese ao importante labor realizado polo programa na rehabilitación dun castelo para convertilo en oficinas do Concello e nunha gardería, no pobo de Saint-Cirgues, preto de Clermot-Ferrand.
Este programa internacional, que existe desde hai 14 anos, consiste en facer proxectos de arquitectura reais sobre un tema nunha cidade. Cada ano realízase nun dos tres países implicados, España, Alemaña e Francia, e preséntase noutro. No proxecto participan sobre 15 alumnos de cada universidade, que se trasladan ao lugar en que se fai a proposta.
Na biblioteca podedes consultar os proxectos presentados ao longo destes anos

Primavera ambiental na UDC

2011-04-26T16:17:00.003+02:00

A oficina de medio ambiente da nosa Universidade este curso está moi activa. Ademáis de ter creado un interesante blog que xa vos anunciamos, agora convovan para este xoves 28 de abril a sua segunda feira da sustentabilidade que se desenvolvera de 11 h. a 19 h nunha carpa diante da Facultade de Socioloxía nela haberá exposicións, mesas informativas, obradoiros....
No seu blog anuncian ás diferentes actividades que teñen preparadas ata o 12 de maio de 2011 entre elas un interesante ciclo de cine verde que xa vos anunciamos no noso blog de cine.

Semana Santa

2011-04-15T17:57:00.003+02:00

Durante esta semana vacacional o noso horario será o mesmo que o da Escola de 9 a 20 h. ininterrompidamente, excepto o mércores que se pechará á 19 h. Felices vacacións a todos.

Xaquín Lorenzo Fernández (Xocas)

2011-04-13T17:50:00.005+02:00

Coa incorporación ao fondo da biblioteca da obra Etnografía : cultura material de Xaquín Lorenzo Fernández (Xocas) a biblioteca montou unha exposición na que se mostran as 12 serigrafías que acompañan e ilustran a reedición desta obra clásica dun autor que principalmente dedicouse a realizar e dirixir numerosos estudos sobre etnografía material e cultural galega. Os artistas que participan son: Alfonso Abelenda, Ramón Astray, Ayaso, Pedro Bueno.....

Eduardo Souto de Moura

2011-04-08T18:07:00.003+02:00

O arquitecto portugués Eduardo Souto de Moura obtivo recentemente o Premio Pritzker de arquitectura 2011, distinción que se outorga anualmente a un arquitecto vivo cuxos traballos realizados demostren unha combinación de talento, visión e compromiso, e que contribúa de forma significativa á humanidade e ao medio ambiente mediante a práctica da arquitectura. O xurado destacou da súa obra que "os seus edificios teñen a habilidade única de transmitir ao tempo características aparentemente contraditorias: poder e recato; bravuconería e delicadeza; autoridade e descaro público e sentido da intimidade. No catálogo da biblioteca pódese documentar a súa obra, a maioría en Portugal pero tamén en España, Italia....

Como elaborar traballos de curso

2011-04-07T19:13:00.002+02:00

O Grupo de Traballo de Formación de Usuarios do Servizo de Biblioteca da UDC organiza un novo curso de formación que se realizará o 26 e 27 de abril na Coruña, e 28 e 29 en Ferrol. O obxetivo principal deste curso é a adquisición de competencias no uso dos recursos que dispón a nosa biblioteca universitaria. Nesta ocasión querese facer especial atención á elaboración dos traballos de curso. O prazo de inscrición xa está aberto e remata o 14 de abril. O formulario de inscripción e máis información podedes atopala na web da biblioteca.

Dereito á cidade: urbanismo e corrupción

2011-04-05T17:43:00.003+02:00

Mañán mércores 6 de abril ás 19.30 h na A.VV Montealto presentará o seu libro "Dereito á cidade: urbanismo e corrupción" o arquitecto Xosé Santiago Allegue Fernández. Neste libro aborda o urbanismo desde o paradigma común do Direito a Cidade afrontando o extendido problema da corrupción. Asi profundiza nas consecuencias deste tipo de prácticas no marco do estado español e de Galicia como son: a destrución do territorio e o patrimonio arquitectónico e natural, a mala xestión dos bens públicos, a devaluación democrática ou a perda de calidade de vida da cidadanía. Organiza: RDS (Rede Dereitos Sociais)

Teoría de construcción

2011-04-04T18:40:00.003+02:00

Teoria de construcción é un blog, creado por un alumno desta Escola, no que se pretende mostrar con claridade todos os procesos edificatorios, desde o estudo do terreo, a cimentación, a estrutura, as unidades contructivas e os acabados, asi como as instalacións tradicionais e vangardistas. Nos distintos apartados centrais pódese acceder a normativa, pregos de recepción en obra e demais requisitos, ademais de poder ver sobre unha mesma páxina os vídeos que se soben, clasificados por categorías. Como novidades dispón dun formulario para enviar contidos para publicar no blog, así como un portal social asociado onde se aloxan detalles construtivos e un buscador avanzado nas páxinas dedicadas soamente a construción.

Achegarte 2011

2011-04-01T18:26:00.003+02:00

Para este fin de semana vos propoñemos acercarse a esta especie de feira artística na que poderanse ver 25 concertos , 15 representacións de artes teatrais, 6 representacións de danza, 24 obradoiros, presentacións de obras editoriais, ilustracións, espazos de debate con moitos dos artistas máis representativos da nosa cultura, espazos vertebrados de acción cultural… MÁIS DE 114 NOMES compoñen o programa de Achegarte 2011 os días 2 e 3 de Abril no Palexco. Podedes consultar o programa e coñecelos, ademais de datas, horarios e lugares.

Arquitectura sanitaria y asistencial

2011-03-30T18:50:00.002+02:00

As Xornadas Técnicas de Arquitectura Sanitaria e Asistencial que se desenvolverán desde mañá día 31 de marzo ata o 2 de abril na nosa Escola,teñen como un dos seus obxectivos introducir o novo Máster Universitario en Arquitectura Hospitalaria e Asistencial , que se implantará na Universidade da Coruña o próximo curso.
Podese consultar o programa na web da Escola.

Duchamp, meme

2011-03-29T13:32:00.004+02:00

É un ciclo de conferencias organizado polo Departamento de Composición da ETSAC adicado a explorar o legado que para a arquitectura supón a obra de Marcel Duchamp.

En diversas sesións, ao longo deste ano, intervirán especialistas co acompañamento de pezas cinematográficas, musicáis e literarias. Este mercores 30 de marzo no salón de actos da Escola a partir das 10:00 h. haberá unha sesión na que participarán entre outros Fernando Agrasar e Luz Paz profesores desta Escola.

Podedes completar a vosa información sobre este autor consultando o fondo bibliográfico da biblioteca.

Taller de iniciación ao debuxo

2011-03-28T14:32:00.005+02:00

Perante os meses de abril e maio organizarase un taller de iniciación ao debuxo na Fundación Granell de Santiago de Compostela. O debuxo é unha linguaxe universal que serviu sempre para transmitir coñecementos, impresións e ideas; coas novas tecnoloxías, a percepción que sobre a docencia do debuxo clásico se xerou, produxo un importante retroceso nas aulas, considerado algo como de tempos pasados. Nada máis lonxe da realidade. O obxectivo do taller é introducir ao alumno no coñecemento do entorno, neste caso Compostela, debuxando a cidade. Horario do curso: venres: 17:00 -19:00 h. sábado: 11:00-13:00 h. prezo: 80 euros imparte: Pablo Tomé Ferreiro

Boletín Académico. Revista de investigación y arquitectura contemporánea.

2011-03-25T18:59:00.003+01:00

Esta publicación histórica da ETSAC,da que podedes consultar todos os números anteriores no repositorio da UDC ,renace con importantes novidades:
A periodicidade é anual, e os artígos recíbense durante o mes de outubro. A participación e a descarga son absolutamente libres e gratuitas en http://www.boletinacademico.com/index.php/BAC
Os editores son Esteban Fernández Cobián, Antonio S. Río Vázquez e Mercé Gambús Saiz.

Carlos Valcárcel

2011-03-23T18:44:00.002+01:00

Na Facultade de Ciencias da Educación da Universidade da Coruña podese visitar estos días unha exposición fotográfica de Carlos Valcárcel.
Valcárcel está influenciado por autores como Henri Cartier Bresson e ten un profundo paralelismo con Ruth Matilda Anderson, ata o punto que se pode considerar como o continuador da obra desta última en Galicia baixo un punto de vista singular e propio.
A mostra fotográfica poderá verse no horario habitual de apertura do centro.

Cidades subxacentes

2011-03-21T18:14:00.003+01:00

Dende o mercores 23 de marzo ata o sabado día 26 en que se presentarán os resultados dos obradoiros no salón de actos da Fundación Luis Seoane da Coruña, desenvolverase Cidades subxacentes, policentrismos urbanos en Galicia: conferencias + obradoiros.
Intentarase dar resposta a pregunta de ¿cómo abordar estes espazos urbanos policentricos formados por vilas que establecen entre elas múltiples relacións e sinerxias como O Salnés, O Barbanza...?
Máis información no blog http://cidadessubxacentes.blogspot.com/

Betaville

2011-03-18T17:50:00.002+01:00

Betaville é unha aplicación colaborativa online para a creación e o debate arquitectónico.
Por medio dunha representación virtual 3D dunha cidade, ofrécese a posibilidade de que calquera poida representar novas ideas para devandita urbe, mediante a importación de modelos 3D. Artistas e deseñadores poden sobrepor proxectos de arte pública, arquitectura, deseño urbano ou de control ambiental, os cales poden ser comentados por outros usuarios desde calquera lugar do mundo.

Sen ataduras

2011-03-17T18:25:00.004+01:00

A exposición colectiva Sen ataduras, a cal poderase visitar ata o próximo 3 de abril na Casa da Cultura Salvador de Madariaga, conmemora o Día Internacional das Mulleres cunha compilación das obras dalgunhas das artistas máis destacadas da bisbarra. Comisariada por Josefina Cerviño, profesora desta Escola, e cunha instalación deseñada por José Luis Rey, nela expoñen as súas pezas creadoras como Berta Ares, Julia Ares, Sabela Baña, María Xosé Díaz, Dorda, Yolanda Ferrer, Dolores Gálvez, María Gilino e Montse Rego.

Conferencias na ETSAC

2011-03-15T17:50:00.006+01:00

Tras o parentese do Antroido, reanudase a actividade cultural na Escola con duas conferencias o xoves 17 de marzo :

.A ensaista e crítica de arquitectura, ANATXU ZABALBEASCOA impartirá a conferencia: ¿QUÉ PUEDE SER LA ARQUITECTURA DE HOY? .Será no salón de actos ás 11:00 h.

.Os integrantes do estudo RVR arquitectos falarán de INTERVENCIONS NA PAISAXE.
Na aula especial-1 ás 16 h.